Geguritan Kelangan

Kelangan

Micara babagan tekdir

Kabeh mau tan isa gumingsir

Jodho, rejeki, pati

Kabeh wus sinerat dening Gusti

Lanang wadon, tua enom sugih mlarat

Kabeh bakal nemu wancine

Wanci ngadhep marang Hyang Maha Agung

            Wus wolung taun lawase

Anggonku tan isa sesandhingan karo sliramu

Apa ya sliramu weruh kahananku saiki?

Apa ya sliramu mangerteni apa kang dak rasakake?

Kangen, iya kangen

Umpamane wektu isa den baleni maneh

Dak gembol siji pitakonan kanggo sliramu

Apa sliramu ora pengin ndelok lan ngancani aku ngadeg ing kene?