Jebul kleru

Jebul Kleru

Iki caritane bocah Banjarnegara karo bocah Purbalingga kang lagi manggon ana ing Jogja saperlu ngangsu kawruh ana ing Universitas Negeri Yogyakarta. Sore-sore sakbubare mata kuliah tata ukara, kancaku bocah Banjarnegara ngajek menyang toko “Outlet Biru”. Sejane ya wus cetha ameh golek sepatu. Amarga ora mangerteni ana ing ngendi toko kuwi mau, aku lan kancaku manut karo dalan kang ditudhuhake ana ing google maps. Sore kuwi pancen macet banget. Sakwuse kurang luwihe 45 menit perjalanan, maps aweh tanda dene posisiku lan kancaku wus tekan ana ing alamat kang dentuju. Kancaku banjur ngandhegake motore. Aku lan kancaku thingak-thinguk bingung nggoleki tulisan “Outlet Biru”. Amarga wus radha suwe ananging urung nemu tulisan outlet biru, dadi aku lan kancaku takon marang bakul woh-wohan.

Aku                 : “Ndherek langkung Ibu, nyuwun pangapunten kula badhe nyuwun pirsa, toko sepatu outlet biru wonten pundi inggih?”

Ibu                   : “nang kene ora ana toko outlet biru mbak.”

Kancaku          : “Ananging wonten maps menika….”

Ibu                   : “Iya, nang maps pancen ngono kuwi, ananging kuwi kleru mbak. Nang kene ora ana outlet biru. Dudu gur mbak e kang nggoleki outlet biru nang kene, nanging wus atusan luwih kang nggoleki outlet biru nang kene.”

Kancaku          : “Ooh… inggih maturnuwun, Bu.”

Primbon

Pamilihing Dina Lan Wayah Kang Becik Tumrap Kanggo Lelungan wonten ing salinan Seri Kebatinan Baboning Kitab Primbon tahun 1966.

Menawa arep lelungan, amiliha dina lan wayah kang becik, kaya kang wis kapathok saben sajroning saminggu ing ngisor iki :

1.      Dina Ahad

•      Wayah esuk     : Kapitunan dhuwit

•      Lingsir wetan  : Olih begja, utawa ketemu kulawarga

•      Tengange         : Bakal ketaman lelara

•      Luhur              : Bakal olih bathi utawa untung

•      Asar                 : Bakal ketemu mungsuh

2.      Dina Senen

•      Wayah esuk     : Ati bingung

•      Lingsir wetan  : Nemu becik

•      Tengange         : Ketemu mungsuh

•      Luhur              : Nemu begja

•      Asar                 : Bakal ketemu mungsuh

3.      Dina Selasa

•      Wayah esuk     : Ora becik

•      Lingsir wetan  : Ketemu mungsuh

•      Tengange         : Bakal ambebes mili

•      Luhur              : Bakal olih untung

•      Asar                 : Slamet

4.      Dina Rebo

•      Wayah esuk     : Bakal ketemu priyayai gedhe

•      Lingsir wetan  : Olih dhuwit nanging nemu susah sabab saka sanak

•      Tengange         : Bakal murka

•      Luhur              : Bakal olih untung

•      Asar                 : Slamet

5.      Dina Kemis

•      Wayah esuk     : Olih untung nanging ora sempulur

•      Lingsir wetan  : Ketemu mungsuh nanging bakal nemu begja

•      Tengange         : Bakal lara ati

•      Luhur              : Bakal ketemu kulawarga

•      Asar                 : Becik

6.      Dina Jumat

•      Wayah esuk     : Becik

•      Lingsir wetan  : Ketemu mungsuh, ati bingung

•      Tengange         : Bakal ketemu kulawarga

•      Luhur              : Semang-semang

•      Asar                 : Becik

7.      Dina Sabtu

•      Wayah esuk     : Ora becik

•      Lingsir wetan  : Ketemu mungsuh

•      Tengange         : Bakal olih untung barang putih

•      Luhur              : Becik

•      Asar                 : Ora becik

Geguritan Mlathi Ing Pakunjaran

Mlathi Ing Pakunjaran

Dening : Sri Wahyani

Gumrojonging banyu ana ing talang

Keprungu cetha ing sajroning talingan

Tumetese ana ing lemah pakunjaran

Agawe sumelange mata ngawaske kahanan

            Sewu tetesing udan kae

            Agawe gumrojoge sangsaya gedhe

            Papan ireng kang tansah njagakake

            Agawe rekasane oyot iku kanggo owah

            Ngalor ngidul ngetan ngulon tansah kepentog

Mlathi iku sangsaya sedhih

Denrasakakae ora adil tenan

Ngematke kahanan sakiwa tengene

Kang bebas saka pakunjaran

            Wit pelem ing sisih wetan kae

Urip madeg nyundhul langit

            Oyote wit palem ing tengah kae

            Sumebar kanthi rata ing antarane suket-suket

Mlathi iku nangis getih

Swarane iku sangsaya ngririntih

Ananging tan ana kang welas asih

Iya iki, rerintihane mlathi kang ora den gagas

Tembung

No	Tembung Aran	Tembung Kriya	Tembung Kahanan
1. 2. 3. 4. 5. 6. 7. 8. 9. 10. 11. 12. 13. 14. 15. 16. 17. 18. 19. 20.	Udan Suket Wit gedhang Wit kates Wit pelem Godhong pelem Wit mlathi Kembang mlathi Wit sawo Godhong sawo Wit jambu Lemah Pang Oyot Banyu Watu Pot Grimis Talang Angin	Netes Tiba Ngawe-awe Nyiprat Gemrojog Owah Nyiprat Mili Mental-mentul Thukul Kabur Silir-silir Kumlebat Ngadeg Gumantung Nyawang Mrembes Tampu Mudhun trubus	Adhem Anteng Ijo Mentiyung Deres Remis-remis Pethak Mekrok Endah Rumaket Cilik Gedhe Alum Abang Ireng Sepi Teles Akeh Metu Dawa