geguritan godhong waru garing

Godhong Waru Garing

Dening : Sri Wahyani

Delengen kae

Godhong waru garing padha sengkleh

Nadyan jejogedan katerak ing angin

Kumlebat, kumlawe

Ngalor ngidul ora ana kang den sedya

            Ora duwe daya pancen

            Wit kang maune dadi dhedhasaring urip

            Wus tan keneng den dadekake panyangga

            Nasibe kocar kacir kegawa angin

Apa ya sira mangerteni kahanane ati iki

Nalikane sira agawe kuciwa

Memper banget karo godhong waru garing mau

Ora duwe daya, ora duwe nyawa