Geguritan Kuciwa

Kuciwa

Dening: Sri Wahyani

Jenenge wae tresna

Abot alot tansah den sangga

Karepe supaya isa urip mulya

Mulya ing donya tekan dene alam baka

Ananging, apa iya tetep tresna?

Nalikane kang den tresnani malah ngliya

            Ngliya karo wadonan liya

            Ora eling karo janji tresna

Ora eling karo sumpah setya

Jenenge wae manungsa

Mesthi gela nalika karepe ora dadi nyata

Mesthi kuciwa nalika nemu tumindak ala