Geguritan Laku

Laku
Dening : Sri Wahyani

Urip iku terus maju

Bebarengan karo lakumu

Kang nudhuhake kapribadenmu

Apa ya becik, apa ya kleru

            Tan kleru yen tuwuh pitakon ing sajroning kalbu

Sakjane apa kang den tuju?

Saestu perlu apa amung hawa nepsu

Aja nganti kababan babagan kang ora temtu

Mula kudu tansah njaluk pangestu

Marang Bapak saha Ibu

Supaya mulya uripmu

Coba deloken nganggo paningalmu

Endi pawongan kang remen padu

Endi pawongan kang remen satru

Apa ya mulya ing panemu?

Mesthi ora jawabmu