Mlayu
Dening:
Sri Wahyani
Aku dudu watu
Aku isih isa ngrasakake
apa iku tatu
Nalikane sliramu mlayu
Mlayu marang wedok kang
luwih ayu
Rumangsamu
kowe iku isa tur mampu
Apa-apa
mbok tindakke sakarepmu
Amung
tansah nuruti hawa nepsu
Tanpa
mangerteni kahanane atiku
Apa ya kowe ora
kelingan jamane durung rahayu
Jamane kowe isih dadi
tukang watu
Sapa kang tansah ana
ing jejermu?
Apa ya dudu aku?
Saikine
barang wus rahayu
Saikine
barang wus dadi prabu
Mbok uculke tanggungjawabmu
Kanggo
ngopeni anak bojomu
Tidak ada komentar:
Posting Komentar