Geguritan Wurung

Wurung

Dening : Sri Wahyani

Kaya dene pitik ing njero karung

Apa kang dadi karepe mesthi wurung

Ora den lilani dening rama biyung

Pangandikane jare kon aja kemrungsung

            Nalikane karep iki karep kae

            Pangandikane jare kon sesuk-sesuk wae

            Ananging ya urung kasembadan tekan seprene

            Dadi, sakjane kapan wancine?

Adhuh Bapak, adhuh Ibu

Dadi kapan pitik iku olih metu?

Apa ya urung karep nduwe mantu?

Apa ya urung karep nduwe putu?