geguritan dhuwit

Dhuwit

Dening : Sri Wahyani

Aku dudu Tuhan

Ananging akeh kang nyembah aku

Aku dudu jimat

Ananging tansah dadi rebutan

Aku dudu widadari

Ananging tansah dadi idhaman

            Aku isa nggawe rusake jagat iki

            Anak ora bekti marang rama biyunge

            Sanak, kadang padha tukar

            Tumekane banjir getih ing jagat iki

            Kabeh iku merga aku

Aku iki padha dursasana

Kang isa nggawe angkara murka

Ananging tansan den ajeni

Tansah den jaga lan den permati

            Duh para manungsa

Aja mbok dadekne aku

Dhedhasar rusake awakmu

Aku dudu sesembahan

Kang patut den sembah