geguritan apa ya sliramu

Apa ya sliramu?

Dening : Sri Wahyani

Rina wengi tansah kelingan

Wewayanganmu tansah gumantung ana idepku

Tan isa ilang

Esem manismu kang gawe tentreming atiku

Dhuh wong bagus pepujaning ati

            Kejaba mangkono

Tansah lair pitakonan ing sajroning manah

Apa ya sliramu?

Kang bakal isa mangerteni kahananku

Apa ya sliramu?

Kang isa njaga aku selawase

Apa ya sliramu?

Kang isa nuntun marang kabecikan

Apa ya sliramu?

Kang bakal tak sandhing suk emben

Apa ya sliramu?